كثرة الزلط صح تعيشك في غبينة ...
بالصح كثرة المال دير الوسواس
بالصح كثرة المال دير الوسواس
لا تسكن فالريف ولا تهجر لمدينة ...
ولا تامن فالذيب لا ديرو عساس
لا دير لامان فالهدرة الحنينة ...
ولا تعجبك الرجلة اللي فيها المقياس
ولا تغرك المرا تشوفها مسكينة...
واللي يحقر ولية مايتسمى تراس
الريحة فالنعناع تلقاها زينة ..
.والبنة تلقاها ديما فالبسباس
المحبة والخير خيوط متينة...
يعرف قيمتها غير القلب الحساس
لي يزرع القمح مايحصد فرينة ...
وعود الشوك عمرو ولا يملاس
وشجرة التفاح ماتثمر تشينة ...
وعرجون الدقلة مايرجع فرماس
لا تضيع رزقك ولا تحكم رهينة ...
ولا تركب الداب حلاس على حلاس
ماتجبد من الناس ما دير صحبة شينة ...
ولا تخسر نفسك ما تكسب الماس
والراجل الصحيح تدبغو لمحنة...
.والراذي ترميه في انياب الدراس
وعمرو ولد الذيب مايسكن ركنة...
كيف لحمار لعصاتو ديما عساس
Aucun commentaire:
Enregistrer un commentaire